Nyau deka ga aku berunding lalu mantai ka penemu diri pengudah macha kenang Grace pasal pengawa ngirup-belaya tu. Runding pasal utai tu sigi udah suah didinga kitai dipejurai ka sebelah radio, randau, etc.
Ngirup tu siti cara kitai iban bebantai ka penyiru sereta gauk kitai ngagai kaban. Mantai ka pengaga ati kitai nerima temuai sereta kaban belayan. Tiap maya enti bisi pengerami, tuak enggau macam ai bisa ti bukai sigi suah dibantai nadai disekat nyadi ka tanda kitai tu enda lokek ko urang...
Tang uji kitai berati, enti nyau berekak, bepalu, bebunuh, ber-macam2 lah, ni penyiru tauka pemanah basa sereta intu kitai sekaban? nadai jaku nya.. enti pengerami tu nyau nyadi madang endur kitai bepun ka laya sereta penyarut enggau pangan diri, nyau nadai guna kitai rami. Enti pengaga ati nyau nyadi penusah ati enti bisi bala nyau lesi bebadi, bakani ko gaya deh?
Ko jaku, 'bepandam nyadi pisa, betundi nyadi laya' , enti mabuk anang ngira agi, ukai belaya aja, bebunuh pan bisi'.
Anang saru wai, nadai aku ngumbai ngirup nya JAI. Aku empu pun bisi meh ngirup tuak enggau ai bepupu kadang-kadang. Tang asal kitai ingat ka tatak tauka limit diri empu. Enti udah ngelu asai pala nya tanda udah umbas meh. Enti nemu diri jampat 'angat' maya udah ngelu, nyamai anang ngirup neh... Kitai mensia siko-siko sigi bisi 'tolerance' ti lain enti ngirup ai bisa. Iya ti tan ngirup tentu enda alah ditapat sida ti enda tan, enda pia?
Ke siti da ba runding aku, ba penemu maioh kitai Iban, urang ti kuat ngirup @ pengirup nya suah dipuji bagas tauka hebat. Apu! Makin tebiley makin dipuji... Enda kitai ngenang kelalu balat ngirup ai bisa tu tau pulai nyadi ka penyakit. Atau @ liver kitai mensia ti balat ngirup suah agi bepenyakit. Ni baka darah tinggi enggau penyakit bukai, sigi nganu kitai. Kasih deh tudah bini anak ditinggal ka kita midang enti kita enda berunding ka pengerai diri maya ngirup. Aku tu ukai bejaku puang, menyadi aku empu diatu 'terpaksa' ngetu ngirup... nama kebuah? kategal kala temutah ka darah. Nyau jai jaku aku nganu menyadi diri, ka enda kitai sinu ga ke iya. Betemu enggau Doktor, lalu diberi jaku tangkan : Enti ka gerai, BADU agi ngirup. Diatu ulih ga ngetu ngirup...
Bah, kati ka nganti nyau ka dibabut petara seput baru kitai bisi runding ka ngetu pia?
3 comments:
terima kasih ke sukung nuan dalam hal ti baka tu wai...
Meda ulah sekeda ma udah ngirup, baka ti amat nganti nadai agi seput meh baru nemu ngetu!
Sigi baka gaya mensia ingkar, enti dah ka badu enseput baru ka ngetu ka diri. Bini anak dibai merinsa...
On the other hand, a wee bit of tuak everyday or once in a while (a small glass) is good for digestion apparently. aunty aku ti lecturing ba upm madah la...
Post a Comment