Me Vs (Mean) Nurse

Image taken from here

* I shall write this in Iban.. :-) Lest anyone think I've forgotten my roots.

Macha cerita charlene ngenang diri ke nyau besaut-saut enggau nurse nyau ngasuh aku tekenang ka cerita aku empu maya taun 2002 suba.

Aku tu, amat enda nampak mangah (gila-gila bisi la) tang ma orang kelalu sigi ka aku, suah endar udah bekerakar enggau sida indu misi nya. Bisi ke manah nya sigi amat manah meh enggau kitai tang yang 'alang2' nya ke ngasuh pedis ati.

Agi ingat aku maya inik aku ditaban ngena ambulance suba laban hypertension (almost stroke inik ku maya nya), inik aku madah diri ka tekemik (org tuai sigi nadai tan enda kemik). asuh ku nganti sampai datai di hospital laban nadai jauh agik. Nurse yang escort kami ari Bintangor nya amat iya nya C*** tang manah amat iya jara. Iya meh berumban minta 'bed pan' kena inik ku kemik ba nurse emergency ward nya. Yang ngasuh aku hot, nurse ke ba emergency ward nya (bangsa kitai) lalu tinggi suara iya,

"Eh, there's a toilet outside, patient can go there!" ko iya lalu sekali nadai meh malik ngagai kami.

Engka iya meda inik aku nya baka indai tuai ari rumah panjai serta aku empu teberunsai gamal nyau baka ke udah di lua' ka sawa (benung tinduk aku digerak Aba ku mai nganjung inik ke hospital, ni bisi ari nganta. Begari pen enda aku, ngena baju tinduk aja aku) nya meh iya enda kiroh kini.

Aku apa lagi, nyau angat ati ku ninga jaku ia nya (bai ati kesal gak begau ka inik) lalu nyaut meh aku.

"Excuse me, but if you'll just turn around and observe, you will definitely know that my grandmother is in no shape to sit, let alone stand and use the toilet outside. If she's well enough, do you think I'll let her use a bed pan. God knows how filthy it could be."

Nah, kan dah kena dengan aku.

Lalu malik indu nurse nya, lama ia merening aku (aku apa gik, muka harimau gila ku dah pansut, anang ka mayuh macam ia maya nya). Udah nya nyau lesay2 mua ia mansang lalu nanya aku, lembut jaku ia.

"Inik nuan tuk kah. Oh...(lalu check my grandma's stat etc)"

Pey, ko ati aku, enti enda ninga aku tu nyaut ia 'speaking' kada enda ditejuk ia bakanya aja inik ku. Kumbai ia sengapa ajak.

Udah nya inik aku lalu admit ngagai ward. Kiak meh kami duai inik besurung ngena kerusi roda meh inik. Udah diberi ubat nyau ok gik inik. Bisi manah gik mua iya. Datai sida Aba ari betemu enggau doktor, inik lalu ngerepot aku ke nganu misi nya. Aik, betangkup ka oksigen gik sempat gak inik nyadi wartawan..Hehe. Tang family aku sigik nemu aku pengambis mali meda orang rude ngagai orang tuai, especially ba mua mayuh.

Inik pun ditan ke orang ba hospital. Ba wad inik ku nya bisi mayuh gak patient. Bisi inik tuai siko, kasih amat tudah laban menua ia jauh nadai meh bala iya ngintu iya. Datai gak bala sida 'attenden' nganjung ai angat lalu ngasuh patient ngambi ai angat. Aku benung nyapi' inik ku makai. Lalu ngangau meh inik tuai tu minta ai angat.

Disaut indu siko (indu L***),

Attenden: "Nama enda ngambi kediri empu deh?"

Inik Tuai: "Enda dapat aku endu."

Attenden: "Ni bala nuan deh? Nama sida enda ngambi ke dik?!"

Inik Tuai: "Nadai bala ngibun ku endu. Menua kami jauh..."

Atenden: "Auk... Jauh meh... pot pet pot pet..." (ngelesay ka inik tuai)

Apu, alu niki tekanan darah aku. Alu ku saut...

Aku: "Eh, nadai kebuah nuan enggai ngambi ai ke inik tuai nya. Sigi pengawa kitak. Manah kitak diatu nadai nuci tai, nuci jamban. Suba nya pengawa kitak. Enti inik nya dapat, enda ia diau di spital deh. Anang meh kitak ngaga inik nya baka nya. Enti bangat enggai, kapa ka ngereja pengawa tu deh? Mayuh orang bukai ke ka ngiga pengawa."

(Sinu aku meda inik tuai nya, nya meh aku sampai nyaut munyi nya. Sepi asai baka inik diri empu digaga orang bakanya)

Udah nya lalu enggau mulut muncung indu nya ngisi termos inik tuai nya. Aku apa lagi, kuring leka mata ku meda mua indu nya. Nasib iya nadai mayuh jaku agik enggau inik nya, enti enda, mengkul kening ia ditachi ku.

Bejaku patient siko, bangsa Cina (suah pansut-tama wad nya, regular patient ko aku), nusoi agai kami ulah sida staff wad nya.

Aunty: "Wa amoi, bagus lu ada cakap itu macam sama mereka. Itu orang ha, memang selalu itu macam. Kuat jahat. Kuat kasar cakap sama orang, lagi kalau itu orang kampung datang punya. Haiya... Dia orang tidak berani sahut lu, dia orang tahu lu bukan sebarang orang, lu berani cakap dia salah. Bagus amoi.."

Siti da agik aku perasan, mula-mula layan orang pia-pia aja inik aku, ukai minta VIP treatment tang at least anang ngelak ka patient baka nya ajak. Udah nya lalu datai bala menyadi apai aku, bala betunggal bala kaban ngabas inik ba wad, tegenung sida meda bala kami ke datai. Ni ke pengajar, ni ke gawa nurse, ni ke polis, mayuh macam meh. Sekali datai 'Matron' hospital nya, cun-cun ia ngelala betunggal aku ke gawa nurse... Bah, engka berunding meh sida ia. Apu, enda ulih sengapa enggau inik tuk. Sekula magang bala uchu ia. Parai enti sida tuk ngerepot ulah kitai.

Udah nya lalu silik meh sida ia meri treatment. Udah beberapa hari lalu tauk discharge gak inik aku. Aku pen betemu enggau sida Doktor enggau nurse (ke mentas) ke silik nyaga inik aku sepemanjai iya masuk hospital to thank and convey our gratitude for their care of my inik. Baka ko aku ba pun jaku aku tadi, ukai semua nurse ba hospital nya jai, tang baka ko jaku sempama "kerana nila setitik, rosak susu sebelanga"..Kategal siko dua ti jai, lalu ngerampit orang bukai.

Ngarap ka udah tu mayuh agik bala nurse ke mentas lalu lurus ati deka ngintu pengerai bala rakyat.

(Note: Mula-mula kami ka request inik ditaban ngagai Hospital Sibu tang Doktor ba semak kami ditu madah iya enggai ngelepas inik kin laban 'vein' inik aku dah bisi collapse, kira nyau ka stroke dah. BP nyau manggai lebih 200 (systolic) ia. Ka pen enda dianjung meh ngagai Hospital siti tuk...hmmpphhh)

p/s: Bisi siko kawan lama aku jadi enggau bangsa kitai madah ke aku, enti ka ngabas bala kaban laki ia masuk hospital, ia lalu begarik ngena working/smart clothes. Nama kebuah? Ngambi org ke gawa diak nemu kitai ukai ulih gaga sida sengapa ko ia. Nemu sida nangi ka mistreat kaban laki ku. Anang meda bala laki ku nya datai ari rural areas lalu sepeneka sida ajak (to quote my friend).