Saritu udah nyau ka genap dua bulan aku megai pengawa ti nyadi pengajar. Tusah, ukai kategal pengawa ti mayuh (sigi baka bekuli makai gaji meh nya), tang kategal ngenang kini tuju anembiak rebak dudi. Pengawa nyadi pengajar sigi berat dikereja, laban tandan bahu ti bendar ngesan ma' ti berat. Pengidup anembiak tu jemah ila sigi bisi bepanggai ba pengulih sida dalam pelajar. Ke agi iya, pengajar meruan ngesan pengandal apai indai sida ti deka ka bala anak tudah nyadi mensia ti menyana.
Bala pengajar nadai pejulok ati ti bukai, sigi deka meda bala anembiak iya menyana magang. Bulih pengidup ti lantang serta meruan. Pelaba aku, nadai kala bisi pengajar ngarap ka anembiak iya merinsa seranta, amat ke enda Grace, Cuthesss, enggau Dunstan? Amat bisi sekeda pengajar ti nyadi pengajar 'for the sake of earning cash', tang pelaba aku nadai mayuh la.
Baka diatu aku ngajar ba sekula semak endor aku diau, sekula tu sigi mayuh anembiak iya sigi datai ari bangsa kitai empu. Bala anak Iban meh nya. Andal meh ati deka ngemansang ka bangsa diri (naka ulih) awak ka ulih napat ka bangsa bukai. Aku diasuh ngajar bala anembiak aku jaku English. Jaku English tu sigi beguna amat diatu kelebih agi laban pelajar sains serta matematik diatu sigi ngena jaku English.. Enti enda nemu English, tentu tusah ka belajar utai bukai.
Ngajar meh tudah aku tu, ngarap ka ulih meri sukung ngemansang ka anak bangsa diri. Anembiak ke dalam kelas ti menyana sigi nyamai mimit ka diajar, semina meri 'guidance' aja. Tang aku tu deka bekenang ka bala anembiak aku ti dalam kelas ti 'ujung-ujung'... Kelas ti dikumbai nadai utai ditemu. Mayuh enda nemu macha BM, English jauh ke agi lah. Maya nadai pengajar, richah ragak baka ka begawai. Anembiak ti lelaki, segau-segau ngagai jamban. Nginsap meh, belaya meh, betundi enda badu-badu. Anembiak ke indu, ransing ati, tang ukai ransing ati ka belajar! Ransing ati deka nganta, bemake-up, begaya, serta udah nemu enchelak mata meda urang laki.Akai!!!
Maya aku ngajar, enggai mending, bejaku enggai badu-badu. Dirara tudah aku, aku tu dikumbai pengajar ti jai. mangah. Beri aku kerja kena nambah ka pengelandik, enda digaga badas. Pengajar jai, meri kerja kelalu mayuh. Akai deh, enti aku tu amat deka jai, nyamai aku enda iboh meri latihan serta bendar ngajar. Chincai aja ko urang. Enda iboh lengan tu asai ka patah nulis utai ba papan chelum. Enda iboh rekung tu pechah nebah 'speaker' kena ngajar... Tang aku enggai baka nya. Ngasai ka apai diri empu pengajar. Apai aku meh ti mayuh meri peransang ngagai aku.
"Sapa ka ngemansang ka bangsa nuan, enti ukai nuan? Bangsa bukai engka enggai bebendar nulong bangsa nuan." Nya meh pesan Apai aku ngagai aku. (Thanks Aba, you are a great teacher in my eyes)
Baka tadi, aku meri Oral Assessment sida anembiak. Ni ke enda nemu macha. Lain ditanya aku, lain disaut. Ambi ka chunto:
Tanya: How old are you?
Saut : Fine
Tanya: Where do you come from?
Saut : ...... (enda disaut)
Tanya: What is your hobby?
Saut : Pilot
Tusah enti ngenang pengawa anembiak baka tu. Pengajar sigi deka nulong sida nyadi pandai, tang utai tu mesti bepun ari anembiak nya empu. Ubah pikir serta runding sida tu. Apai indai mesti bisi meransang anak belajar. Pengelantang pengidup dudi ila sigi bepun ari utai ti dipelajar ka sida ba sekula. Baka ko Dunstan, tusah agi enti sida nyau ka nganti maya udah ba 'urban jungle' baru ka belajar pengidup. Bakani ka survive ila?
Kati ko runding kita?
3 comments:
Ka enda ngaga jako munyi tu, tak sigi baka ulah nembiak menoa pesisir meh nya. Sekeda ti endang ka belajar, enda iboh di sebut, enda iboh di asoh pen nemu meh ngambi initiative diri empu.
Aku bisi petunggal (indai ti ngada anak angkat aku) macha deh enda nemu .. sekula naka Pom 3 ko jako. Bai bejalai ba KL, Tolak, ko utai ba pintu, tak di tarit pintu, ni ka tebuka?! Nyepil nama apai diri empu tudah enda nemu. Akai!
Pajak ka dia meh Chris, ngichak ka bisi utai di pelajar bala nembiak, mimit pama meh. Ila sida nyepi asai udah badu sekula ni penyampau utai ti enda ditemu, nya baru nesal .. udah terlambat ko jako orang.
Pedis, cukup pedis ... sepi aku ngajar english ba menoa pesisir. Today, i'm gonna share some tips. During this several years, i've tried alot of methods. But, beware, this is waayyyy out of the usual stuff. Hehe ... kampung style, here we go!
Things that I do:
-(Find word meaning + use dictionary)
- Make sentences using jumbled words
- Play Scrabble (see photo at my blog)
- Watch movies + do verbal review
- exam oriented (i believe this one is used alot in our schools this days ... exam, exam n more exam ... UPSR paper past paper is a must n do alotta soalan ramalan ...
- Sing songs (Haha loved this one, begegar school building youuu ... keyboard + guitar + karaoke , loved to goreng the guitar, sampai anembiak drooling)
Amat munyi ko nuan Christ, taja aku enda tekena ngajar kelas sida tang aku selalu ninga cikgu-cikgu ti berpengalaman serbana, ni ke enda nemu nulis, enda nemu macha, satu camput satu barang utai disaut.
kasih tudah, nya bisi meeting guru-guru kanan kurikulum suba bisi gak cikgu cina ti bisi agi motivasi kak ngaga utai ke manah baka klinik tauka ke tuition ke sida ti enda nemu macha, ngambi enti sida dah pansut ari sekula enda ibuh ngambi result ke manahlah laban temu enda alah, ngambi penemu kena ngidup kediri aja dah manah.
Tang sayau gak Apai aku pun ngajar ba jauh di menua pesisir enti enda ngena 4wd sigi enda tau datai niki bukit tanah ladu orang din, bala cikgu Iban ukai kak bejai tang ati kak relex aja lemai ari dahnya berkaroeke engga orang rumah panjai, mula apai aku datai ia iran ati meda anembiak enda ibuh ke jako english meh sigi tusah jako Baha Melayu pun enda nemu, nama reti brdisplin, hormat-menghormati pun enda nemu.
Dahlah pengidup sida jauh ari pasar enti nadai pemandai mnerinsa sida ia ila anang diatu rega barang mar magang, kasih gak meda tang nya meh pengidup, mesti pandai pandai meh kitai ngiga lubuk kediri empu.
Post a Comment